انا في الموضوع ده هديلكم
شوية نصايح غاليه علشان تتعلموا الغلاسة يلا بينا كده نعرف ازاي نغلس على الناس
قول نكته طويله و لما تيجي عند آخر سطر و هو السطر المهم اللي فيه الأفيه و
أعمل نفسك نسيته ، ولو حد غلس قوله : يااااه دي كانت نكته جامده بس الظاهر أني
نسيتها .
· هات بخاخه مطهر ديتول و أمشي ورا واحد في أي حتة ، و كل ما
الشخص ده يمسك حاجه و يسيبها ... تروح راششها بالمطهر على طول .
· و أنت
بتتكلم فى موضوع أقطع كلامك و أدي انطباع أنك هاتكمل ... و ماتكملش ..."بس خلاص كده
" .
· لما حد يشكي لك من حاجه قوله أنا عندي مشاكل أكتر منك
.
· في مطعم .. بص للشخص اللى قاعد على ترابيزه جنبك و أنت ماسك لقمه في
ايدك و قوله "ممكن الطحينه بتاعتك ثواني" ؟ .
· كل ما حد يقولك حاجه
عيدها بصيغه سؤال ، مثلا هايقولك "مش أنا اتجوزت" قوله "أتجوزت؟!" هايقولك "اه
الشهر اللي فات" قوله " الشهر اللي فات؟!" ..... و هكذا .
· و أنت واقف
بتتكلم مع حد برق عينيك فجأه و أسأله "سمعت؟!" هيسألك "سمعت ايه؟!" قوله ولا حاجه
... خلاص راحت .
· بعد عشر دقايق ، اعمل نفس الحركه تانى .
· و انت بتتكلم مع شخص ما ، ماتبصش في وشه أبدا .
· و
انت بتتكلم مع شخص ما ، افضل مركز في وشه اوي .
· علق فانوس كبير في
الشارع و حبال زينه ، بشرط ميكونش في رمضان !!! .
· أتكلم مع الناس بصوت
الروبوت .
· أستلف قلم من حد ، وحط القلم في بقك ، و أعمل نفسك بتفكر و
منهمك و أنت عمال تعضعض في القلم !!! .
· و أنت فى المول ، ماتمشيش عادي
، لأ .. افضل نط لحد ماتوصل للمكان اللي رايحه .
· في المترو امضغ
لبانه بصوت عالى و انت واقف جنب حد بيقرا مجله او جرنان ، و أنت بتقرأ معاه طبعا
.
· اعزم ناس في حفلات ناس تانيه "عيد ميلاد او خطوبه او فرح ..."
.
· هات علبه مناديل ورق و أنت داخل السينما و طول ما أنت قاعد افضل
"نف" .
· أول ماتشوف كيس كاتشب واقع عالأرض دوس عليه برجلك جامد و
قول للي معاك "أنا كنت بشوفه فاضى و لا مليان" !!! .
· في حفله عيد
ميلادك أطلب من ال D.jأنو يشغل أغنيه بعينها 18 مره ورا بعض .. "أنا بحب الأغنيه دي
اوي يا جماعة" !! .
· لو واقف جنب حد بيعد فلوس و في وسط ما هوا بيعد
قول اي رقم عشوائى "862" .
· العب فى الوان التليفزيون لحد ما الصوره
تبقى بنفسجي ، وتبقى الناس كلها لونها بنفسجي ، و اعزم اصحابك عالماتش عندك فى
البيت .. و لو حد اعترض ، قوله "أنا شايف ان ده لون الحياه الحقيقي" !!! .
·
و أنت ماشي في حته اي حاجه تقابلك طبل عليها .
· البس جراب زي الجراب
اللي بيتحط فيه المسدس .. بس حط فيه الريموت كنترول .
· غير القناه قبل
نهايه الفيلم او الماتش او المسلسل بخمس دقايق .
· أضحك لواحده
ماتعرفهاش في الشارع وقولها بصوت عالي " ازيك .. عامله ايه؟!!! " .
أتمنى ان النصايح الغاليه دي تكون عجبتكم
و عايز اشوف ردودكم
الحلوة .
" بس بشرط ... من غير غلاسة "